24/05/1989 - ല്‍ സ്ഥാപിതമായതും 1955-ലെ ട്രാവന്‍കൂര്‍ - കൊച്ചി ലിറ്റററി സയന്റിഫിക് ആന്‍ഡ് ചാരിറ്റബിള്‍ സൊസൈറ്റീസ് രജിസ്ട്രേഷന്‍ ആക്ട്, 1955 പ്രകാരം രജിസ്റ്റര്‍ ചെയ്തതുമായ ഒരു സ്വയംഭരണ സ്ഥാപനമാണ് ഏജന്‍സി ഫോര്‍ ഡെവലപ്മെന്റ് ഓഫ് അക്വാകള്‍ച്ചര്‍, കേരള (ADAK) കേരള ഫിഷറീസ് വകുപ്പ് പ്രമോട്ട് ചെയ്തിട്ടുളള ഈ സ്ഥാപനം ചെമ്മീന്‍ കൃഷി വികസനത്തിനായി കുവൈറ്റ് ഫണ്ട് മുഖേന അക്വാട്ടിക് ഫാം, ഒഹിയോ, യു.എസ്.എ. യുടെ സാങ്കേതിക സഹായത്തോടുകൂടി കേരള സര്‍ക്കാര്‍ സ്ഥാപിച്ചിട്ടുളളതാണ്. സംസ്ഥാന, കേന്ദ്ര ഗവണ്‍മെന്റുകളുടെയും മറ്റ് ബാഹ്യ ധനസഹായ ശ്രോതസ്സുകളുടെയും സാമ്പത്തിക സഹായത്തോടെ വിവിധ അക്വാകള്‍ച്ചര്‍ വികസന പദ്ധതികള്‍ നടപ്പിലാക്കുന്നു. മത്സ്യകൃഷിക്ക് ആവശ്യമായ വിവിധതരം വിത്തുകളുടെയും തീറ്റകളുടെയും മറ്റ് അനുബന്ധ ഉല്‍പ്പന്നങ്ങളുടെയും ഉത്പാദനം, വിതരണം, വ്യാപാരം എന്നിവയിലൂടെ ADAK കര്‍ഷകര്‍ക്ക് തൊഴിലവസരങ്ങളും വരുമാനവും നല്‍കി മത്സ്യബന്ധന വികസനം സുഗമമാക്കുന്നു.