1. Rebuild Kerala Initiative (RKI) - fish production in cages through participatory approach with beneficiaries of scheduled tribe in Banasurasagar Reservoir, Wayanad District.
റീബില്‍ഡ് കേരള ഇന്‍ഷ്യേറ്റീവ് പ്രൊജക്റ്റില്‍ ഉള്‍പ്പെടുത്തി, വയനാട് ജില്ലയിലെ ബാണാസുരസാഗര്‍ അണക്കെട്ടില്‍ തദ്ദേശീയരായ ആദിവാസി അംഗങ്ങളെ ഉള്‍പ്പെടുത്തി കൂട് മത്സ്യകൃഷി നടപ്പാക്കുന്നതിനായി 14/11/2019 ലെ സര്‍ക്കാര്‍ ഉത്തരവ് G.O (Rt) നമ്പര്‍ 484/2019/F&EA പ്രകാരം 3.2 കോടി രൂപയുടെ ഭരണാനുമതി ലഭിച്ചു. ഡാമിനെ ആശ്രയിച്ച് ജീവിക്കുന്ന ആദിവാസി വിഭാഗത്തില്‍പ്പെട്ടവരെ ഗുണഭോക്താക്കളാക്കി നടപ്പിലാക്കുന്നതാണ് ഈ പദ്ധതി. 6x4x4 മീറ്ററിലുളള 90 HDPE കൂടുകളിലാണ് മത്സ്യകൃഷി നടത്തുന്നത്. ഈ കൂടുകളില്‍ GIFT ഇനത്തില്‍പ്പെട്ട മത്സ്യങ്ങളെയാണ് വളര്‍ത്തുന്നത്. അനുവദിച്ച 298 ലക്ഷം രൂപ പൂര്‍ണ്ണമായും ചെലവായിട്ടുണ്ട്. പദ്ധതി ആരംഭിച്ച് നാളിതുവരെ 32.87 ടണ്‍ മത്സ്യം വിളവെടുത്തതിലൂടെ 53 ലക്ഷം രൂപ റവന്യൂ വരുമാനം ഉണ്ടായിട്ടുണ്ട്.
2. Pradhan Manthri Matsya Sampada Yojana (PMMSY) – Establishment of Brood bank for pearlspot through selective breeding at Ayiramthengu Brackish water fish farm
03/11/2021 തീയതിയിലെ G.O (Rt) No. 647/2020/F&P സര്‍ക്കാര്‍ ഉത്തരവ് പ്രകാരം ആയിരംതെങ്ങിലെ ഓരുജല മത്സ്യഫാമില്‍, പ്രജനനത്തിലൂടെ ഉയര്‍ന്ന വിളവ് തരുന്നയിനം കരിമീന്‍ മത്സ്യങ്ങളെ വികസിപ്പിക്കുന്നതിനുളള ബ്രൂഡ് ബാങ്ക് സ്ഥാപിക്കുന്നതിനായി 500 ലക്ഷം രൂപ ഭരണാനുമതി നല്‍കിയിട്ടുണ്ട്. ഇതിലൂടെ അടുത്ത 5-7 വര്‍ഷത്തിനുളളില്‍ ഉയര്‍ന്ന വളര്‍ച്ചാ നിരക്കുളള കരിമീന്‍ സ്ട്രെയിനുകള്‍ വികസിപ്പിക്കാനാണ് ലക്ഷ്യമിടുന്നത്. ICAR - NBFGR ആണ് പദ്ധതി നടത്തിപ്പിനുളള കണ്‍സള്‍ട്ടന്‍റായി തിരഞ്ഞെടുത്തിട്ടുളളത്.
3. Pradhan Manthri Matsya Sampada Yojana (PMMSY) – Participatory Integrated Fisheries Development in selected Reservoirs of Kerala
3/11/2020 തീയതിയിലെ G.O(Rt) No. 646/2020/F&P സര്‍ക്കാര്‍ ഉത്തരവ് പ്രകാരം പങ്കാളിത്ത സംയോജിത മത്സ്യബന്ധന വികസന പദ്ധതിക്ക് 1600 ലക്ഷം രൂപയുടെ ഭരണാനുമതി ലഭിച്ചിട്ടുണ്ട്. പെരുവണ്ണാമൂഴി, കാരാപ്പുഴ, ബാണാസുര സാഗര്‍, കക്കി റിസര്‍വോയറുകളില്‍ ഇതിനായി 400 മത്സ്യകൂടുകള്‍ സ്ഥാപിച്ച് മത്സ്യകൃഷി നടത്തി വരുന്നു. ആദ്യ വിളവെടുപ്പില്‍ 75.68 ടണ്‍ മത്സ്യം ലഭിച്ചതിലൂടെ 128.05 ലക്ഷം രൂപ വരുമാനം ലഭിച്ചിട്ടുണ്ട്. പ്രയോജനപ്പെടുത്താത്ത വിഭവങ്ങള്‍ ഉപയോഗിച്ച് റിസര്‍വ്വോയറുകളിലെ മത്സ്യ ഉല്‍പ്പാദനക്ഷമത വര്‍ദ്ധിപ്പിക്കുന്നതിനാണ് ഈ പദ്ധതി ലക്ഷ്യമിടുന്നത്. ഉപജീവനമാര്‍ഗ്ഗത്തിനായി റിസര്‍വ്വോയര്‍ മത്സ്യബന്ധനത്തെ ആശ്രയിക്കുന്ന എസ്.സി./ എസ്.റ്റി വിഭാഗത്തില്‍പ്പെട്ട തദ്ദേശവാസികളുടെ ജീവിത നിലവാരം മെച്ചപ്പെടുത്തുന്നതിനായി റിസര്‍വോയര്‍ മത്സ്യസമ്പത്തിൻ്റെ മികച്ച ഉപയോഗക്ഷമതയിലൂടെ മത്സ്യബന്ധന സംസ്ക്കാരത്തിലധിഷ്ഠിതമായ നൂതന ആശയങ്ങള്‍ നടപ്പിലാക്കുക എന്ന സമീപനമാണ് ഇതിനായി പ്രയോജനപ്പെടുത്തുന്നത്.
കൂടാതെ 27/01/2022 -ലെ G.O. (Rt) No. 47/2022/F&P നമ്പര്‍ സര്‍ക്കാര്‍ ഉത്തരവ് പ്രകാരം PMMSY-ല്‍ ഉള്‍പ്പെടുത്തി "Integrated Fisheries Development in selected Reservoirs in Kerala" എന്ന പദ്ധതിക്ക് 1081.80 ലക്ഷം രൂപയുടെ ഭരണാനുമതി ലഭിച്ചു. നെയ്യാര്‍, പീച്ചി, ഇടുക്കി റിസര്‍വോയറുകളില്‍ 100 വീതം HDPE കേജുകള്‍ സ്ഥാപിച്ച് മത്സ്യകൃഷി നടത്തുക എന്നതാണ് പദ്ധതിയുടെ ലക്ഷ്യം. ടി റിസര്‍വോയറുകളുടെ പരിസരത്ത് താമസിക്കുന്ന ആദിവാസി സമൂഹത്തില്‍പ്പെട്ട എക്കോ ഡെവലപ്മെന്‍റ് കമ്മിറ്റി അംഗങ്ങള്‍ക്ക് ഈ പദ്ധതിയിലൂടെ തൊഴില്‍ ലഭിക്കുന്നു. പദ്ധതിയുടെ ഭാഗമായി HDPE കേജുകള്‍ സ്ഥാപിച്ച് മത്സ്യകുഞ്ഞുങ്ങളെ സംഭരിച്ച് പരിപാലിച്ച് വരുന്നു. പദ്ധതിയ്ക്കായി ഇതുവരെ ലഭിച്ച 9,61,80,000/- രൂപയില്‍ 8,70,01,230/- രൂപ ചെലവഴിച്ചിട്ടുണ്ട്.
കൂടാതെ 27/01/2022 -ലെ G.O. (Rt) No. 47/2022/F&P നമ്പര്‍ സര്‍ക്കാര്‍ ഉത്തരവ് പ്രകാരം PMMSY-ല്‍ ഉള്‍പ്പെടുത്തി "Integrated Fisheries Development in selected Reservoirs in Kerala" എന്ന പദ്ധതിക്ക് 1081.80 ലക്ഷം രൂപയുടെ ഭരണാനുമതി ലഭിച്ചു. നെയ്യാര്‍, പീച്ചി, ഇടുക്കി റിസര്‍വോയറുകളില്‍ 100 വീതം HDPE കേജുകള്‍ സ്ഥാപിച്ച് മത്സ്യകൃഷി നടത്തുക എന്നതാണ് പദ്ധതിയുടെ ലക്ഷ്യം. ടി റിസര്‍വോയറുകളുടെ പരിസരത്ത് താമസിക്കുന്ന ആദിവാസി സമൂഹത്തില്‍പ്പെട്ട എക്കോ ഡെവലപ്മെന്‍റ് കമ്മിറ്റി അംഗങ്ങള്‍ക്ക് ഈ പദ്ധതിയിലൂടെ തൊഴില്‍ ലഭിക്കുന്നു. പദ്ധതിയുടെ ഭാഗമായി HDPE കേജുകള്‍ സ്ഥാപിച്ച് മത്സ്യകുഞ്ഞുങ്ങളെ സംഭരിച്ച് പരിപാലിച്ച് വരുന്നു. പദ്ധതിയ്ക്കായി ഇതുവരെ ലഭിച്ച 9,61,80,000/- രൂപയില്‍ 8,70,01,230/- രൂപ ചെലവഴിച്ചിട്ടുണ്ട്.
4. ഫിഷ് ഫീഡ് മില്‍, തലായ്, കണ്ണൂര്‍
മണിക്കൂറില്‍ 500 കിലോഗ്രാം ഉല്‍പ്പാദന ശേഷിയുളള മത്സ്യത്തീറ്റ മില്‍ നിര്‍മ്മിക്കുന്നതിന് 27/09/2017 ലെ G.O(Rt) നമ്പര്‍ 746/2017/F&PD സര്‍ക്കാര്‍ ഉത്തരവ് പ്രകാരം ഭരണാനുമതി ലഭിച്ചിട്ടുണ്ട്. കേന്ദ്ര സര്‍ക്കാര്‍ ഏജന്‍സിയായ സെന്‍ട്രല്‍ ഇന്‍സ്റ്റിറ്റ്യൂട്ട് ഓഫ് ബ്രാക്കിഷ് വാട്ടര്‍ അക്വാകള്‍ച്ചറിൻ്റെ (ICAR-CIBA) സാങ്കേതിക സഹായത്തോടെ മത്സ്യത്തീറ്റ ഉല്‍പ്പാദിപ്പിക്കുന്നതിനായി യൂണിറ്റ് സ്ഥാപിച്ച് ഒരു ട്രയല്‍റണ്‍ നടത്തുകയും ചെയ്തു. നിലവില്‍ കേരളത്തിനാവശ്യമായ മത്സ്യത്തീറ്റയുടെ ഭൂരിഭാഗവും ഇതര സംസ്ഥാനങ്ങളില്‍ നിന്നുമാണ് എത്തിക്കുന്നത്. ഈ മേഖലയില്‍, സ്വകാര്യ നിര്‍മ്മാതാക്കളും സംരംഭകരുമാണ് പ്രധാന പങ്ക് വഹിക്കുന്നത്. മത്സ്യത്തൊഴിലാളികള്‍ക്ക് ആശ്വാസമാകുന്ന വിധത്തില്‍ മത്സ്യത്തീറ്റയുടെ വില നിയന്ത്രിക്കുന്നതിനും മത്സ്യത്തീറ്റയുടെ ലഭ്യത ഉറപ്പാക്കുന്നതിനും സര്‍ക്കാരിൻ്റെ ഇടപെടല്‍ അനിവാര്യമാണ്.
5. ആറ്റുകൊഞ്ച് ഹാച്ചറി, വളഞ്ഞവഴി
ഈ പദ്ധതിക്ക് 06/10/2020 ലെ G.O(Rt) No. 555/2020/F & PD സര്‍ക്കാര്‍ ഉത്തരവ് പ്രകാരം 176.2 ലക്ഷം രൂപയുടെ ഭരണാനുമതി ലഭിച്ചു. കര്‍ഷകരുടെ വര്‍ദ്ധിച്ചുവരുന്ന ചെമ്മീന്‍ വിത്തിൻ്റെ ആവശ്യം നിറവേറ്റുന്നതിനായി ആലപ്പുഴ ജില്ലയിലെ വളഞ്ഞ വഴിയില്‍ ശുദ്ധജല കൊഞ്ച് ഹാച്ചറി സ്ഥാപിച്ച് പ്രതിവര്‍ഷം 4 ദശലക്ഷം പോസ്റ്റ് ലാര്‍വ ഉല്‍പ്പാദിപ്പിക്കുക എന്നതാണ് പദ്ധതിലക്ഷ്യം. കേരള സംസ്ഥാന തീരദേശ വികസന കോര്‍പ്പറേഷനെയാണ് (KSCADC) നിര്‍മ്മാണ ചുമതല ഏല്‍പ്പിച്ചിരിക്കുന്നത്.
6. കല്ലിന്‍മെല്‍കായ് ഹാച്ചറി, സമുദ്രമത്സ്യ ബ്രൂഡ് ബാങ്ക്, പുതിയങ്ങാടി
06/10/2020 ലെ G.O(Rt) No.556/2020/F&PD സര്‍ക്കാര്‍ ഉത്തരവ് പ്രകാരം 500 ലക്ഷം രൂപയുടെ ഭരണാനുമതി ലഭിച്ചു. കേരള സംസ്ഥാന തീരദേശ വികസന കോര്‍പ്പറേഷനാണ് (KSCADC) നിര്‍മ്മാണ പ്രവര്‍ത്തനങ്ങള്‍ നടത്തുന്നത്. ഓരുജല മത്സ്യം/ കക്ക/ കല്ലുമേക്കാ എന്നിവയുടെ ഹാച്ചറി വിത്തുല്‍പ്പാദനത്തിന്‍ൻ്റെ സാദ്ധ്യതകള്‍ ആരായുന്നതിനാണ് ഈ പദ്ധതി. തീരദേശവാസികളുടെ ഉപജീവനത്തിനും വരുമാനത്തിനും വേണ്ടി മത്സ്യകൃഷിയിലൂടെ സ്ഥായിയായ വിത്തുല്‍പ്പാദനം ഉറപ്പ് വരുത്തുകയെന്നതാണ് ഈ പദ്ധതി വിഭാവനം ചെയ്തിട്ടുളളത്. കണ്ണൂര്‍ ജില്ലയിലെ പുതിയങ്ങാടിയിലാണ് പദ്ധതി നടപ്പിലാക്കുന്നത്. പൂര്‍ത്തിയാകുമ്പോള്‍ 10 ദശലക്ഷം വിത്ത് ഉല്‍പ്പാദിപ്പിക്കാന്‍ കഴിയുമെന്ന് പ്രതീക്ഷിക്കുന്നു. ICAR-CMFRI ആണ് ഈ പദ്ധതി നടത്തിപ്പിനായുളള കൺസൾട്ടൻ്റ്.
7. വനാമി ചെമ്മീന്‍ കൃഷി വികസനം (Development of Vannamei Shrimp Farming)
വനാമി ചെമ്മീന്‍ കൃഷിയുടെ വികസനത്തിൻ്റെ ഭാഗമായി കണ്ണൂര്‍, തൃശ്ശൂര്‍, കൊല്ലം എന്നീ ജില്ലകള്‍ക്ക് പ്രാമുഖ്യം നല്‍കിക്കൊണ്ട് വനാമി ചെമ്മീന്‍ കൃഷി പദ്ധതി നടപ്പിലാക്കി വരുന്നു. ഇതിൻ്റെ ഭാഗമായി 170 ഹെക്ടര്‍ ഫാമുകള്‍ തിരഞ്ഞെടുത്ത് അടിസ്ഥാന സൗകര്യങ്ങള്‍ വികസിപ്പിച്ച് വനാമി ചെമ്മീന്‍ കൃഷി ഏര്‍പ്പെടുത്തുന്നതിന് നടപടികള്‍ സ്വീകരിച്ചു.